Occitanie

DE L’OSTAL OCCITAN D’ARIÈJA 93 car Major 09100 PÀMIAS 05.61.69.60.96 ostaloc09@club-internet.fr		Octobre de 2007 numèro 115

AGENDA Durant lo mes d’octobre - Festival Occitània dins Miègjorn-Pirenèus ! Veire programas detalhats (p. 2). Entre-senhas al 05.61.11.24.87 (IEO 31). 04/10/2007 a 9h30 a l’Ostal Occitan de Pàmias– Acamp de la comission « Servici de la lenga ». Entre-senhas al 05.61.69.60.96. 06/10/07 a 14h00 - Emission de ràdio en occitan sul Pastèl sus Ràdio Oxygène 94.2 FM. Entre-senhas al 05.61.69.60.96 06 e 07/10/2007 al Mas d’Asil – Fèsta de la figa amb estand de l’IEO-Arièja. Programa detalhat (p.3). Entre-senhas e reservacions al 05.61.68.97.08 o 06.88.42.04.33 (Associacion Effets Nature). 08/10/2007 a 18h00 a l’Ostal Occitan – Acamp de dintrada dels corses d’occitan pels adults organizats per l’IEO-Arièja. Entre-senhas al 05.61.69.60.96 (Camilha Bilhac) o corsoc09@club-internet.fr 12/10/2007 a 20h30 a l’Ostal Occitan a Pàmias – Acamp del Cercle Occitan Prospèr Estieu. Entre-senhas al 05.61.69.60.96 20/10/2007 a 9h00 a l’Ostal Occitan a Pàmias – Conselh d’Administracion de l’IEO-Arièja. Entre-senhas al 05.61.69.60.96 26/10/2007 a 20h30 a l’Ostal Occitan a Pàmias – Acamp del Cercle Occitan Prospèr Estieu. Entre-senhas al 05.61.69.60.96 27/10/2007 a 10h00 a l’Ostal Occitan de Pàmias – Acamp de la comission « Ostal Occitan ». Entre-senhas al 05.61.69.60.96. 28/10/2007 – Fèsta de la coja a Belestar amb exposicion de cojas, mercat artesanal… Entre-senhas al 05.61.03.51.04	Lo mot del president Lo mes passat aguèrem lo plaser de legir lo mot de Gilbèrt Sentenac, president del cercle occitan IEO de Foish, que nos fasiá partejar l’estrambòrd e la volontat sieus. Sens qu’aquestes sián tocats, lo president Sentenac s’estimèt mai de demissionar de la sieu carga l’11 de setembre passat. Teni a lo mercejar publicament pel sieu trabalh e per la sieu implicacion al servici de la lenga nòstra que siá al cap del cercle de Foish o al CA de l’IEO d’Arièja, e, per ma part, planhi la sieu decision. Mas aquò l’empacharà pas de contunhar de trabalhar amb nosautres e l’IEO-Arièja serà al costat del cercle de Foish per endralhar e menar de projèctes ja que sabèm que la dinamica aviada se perseguirà. D’un punt de vista general, un trabalh en sinergia amb de cercles occitans fòrts nos ajudarà a avançar. Del nòstre costat, projèctes e collaboracions s’encadenan. Foguèrem presents a unas manifestacions de l’estiu ; en setembre, participàvem a las jornadas del patrimòni a las Fargas de Pirena (Montgalhard), als Fòrums de las Associacions (Pàmias e Foish, amb los cercles locals), al Fòrum de las Lengas (Pàmias) e apuèi participarem a las fèstas de la figa (Mas d’Asil), de las avelanas (L’Avelhanet) e autras cojas (Belestar), etc. Tanben que siá amb las fargas de Pirena, amb la comuna de Maseras, amb lo País de las Pòrtas d’Arièja, lo dels Pirenèus catars, benlèu amb lo Pargue natural regional, la comuna de Mirapeish, la de Pàmias, etc., trabalham a la mesa en plaça d’una programacion culturala. Avèm tanben dubèrt una pista mai « economica » amb la debuta d’una collaboracion amb l’Ofici per la lenga. Esperam tanben tornar activar la coordinacion ariegesa « Anem, òc ! », un pauc aconsomida après lo succès de la manifestacion de març a Besièrs. Los corses d’occitan pels adults, malgrat las dificultats que podèm rescontrar, permetràn d’obténer una visibilitat e una credibilitat mai grandas. Per aquò tanben, avèm la volontat de renfortir la nòstra preséncia, periodica o puntuala, dins los mèdias. Es tanben lo sens de las intervencions e dels rescontres qu’avèm amb los elegits locals e departamentals. Ara, al segur, la granda inconeguda es dobla : serà umanament possible de contunhar amb un tal ritme, de téner còp ? Trobarem los mejans economics per sosténer aquesta activitat e lo sieu desvolopament ; las collectivitats localas respondràn a las nòstras espèras ? Mas comptam tanben sus vosautres totis. L’escomesa ne val la pena, mai que la pena subretot a un moment que s’elabòra en Miègjorn-Pirenèus l’esquèma regional de sosten a l’occitan (la politica lingüistica de la region, digam), que l’interregionalitat comença a foncionar, que l’occitan es lenga oficiala en Catalonha e que las demandas ligadas a aquò son fòrtas. Nos cal èsser d’actors presents dins tot aquel bolegadís. Patrici Pojada

Festival Occitània 2007

Note: En cas de problème, une mise à jour de votre navigateur ou système peut s'avérer nécessaire pour un support multimédia adéquat, (lecture au format MP3). Vérifier aussi si votre sortie son est fonctionnelle.

AGENDA